FICHAS DE REPASO 1 (LÓXICA MATEMÁTICA)

     Deixamos aquí un enlace para acceder a diferentes fichas de repaso, as que colgaramos a primera semana xa non están dispoñibles na WEB do centro. 
Se tedes algunha dúbida lembrade o noso correo:

chupachups30ymas@gmail.com. 

   Hai diferentes niveis, buscade as que máis se adapten aos pequenos/as. Os lobiños xa saben o que estabamos a traballar, poden repasar o dado e mesmo avanzar un pouquiño. Hai algunha ficha na que se traballan as horas e o reloxo, esas podedes saltalas. 

De modo xeral ao rematar o curso estes eran algúns dos obxectivos buscados (a nivel conceptos), por suposto, respectando o ritmo de aprendizaxe e a individualidade de cada neno/a xa que non todos/as teñen que acadar estes obxectivos ao mesmo tempo: 

3 ANOS:

• Recoñecer os números ata o 5. 
• Recoñecer e escribir as vogais. 
• Recoñecer o nome propio e saber escribilo.
• Recoñecer o nome dos compañeiros/as. 

4 anos: 

• Recoñecer os números ata o 10 e saber escribilos.
• Recoñecer e escribir as vogais e algunha consoante (M, P, L...).
• Recoñecer o nome dos compañeiros/as. 
• Iniciarse na escritura dalgunha palabra sinxela (mamá, papá, pala, lupa...), podedes axudalos pronunciando o son de cada letra e que eles/elas escriban como lles soa. 

    Aínda que, como xa vos dixemos, isto é o menos importante nestes momentos. O vindeiro curso volveremos repasar todos estes conceptos, por iso non vos preocupedes, agora o máis importante é que os nenos/as se sintan felices, que pasen da mellor maneira posible esta situación tan complicada. 

**Deixamos enlace directo ás actividades na marxe esquerda do blogue. 

LÓXICA MATEMÁTICA