XOVES 23 DE ABRIL DE 2020

Feliz día lobiños!!!

Hoxe estamos de novo de celebración, unha data moi especial, O DÍA DO LIBRO. 

É unha ocasión ideal para realizar actividades en familia. Deixamos algunha proposta, pero por suposto, todas as vosas ideas serán benvidas: 

• Cambiarlle o final a un conto coñecido por todos/as. 

• Inventar un conto con diferentes personaxes coñecidas; podemos xuntar, por exemplo, aos tres porquiños con Brancaneves e imaxinar as aventuras que poderían vivir. Se queredes, podedes compartir as vosas creacións no blogue. 

• Sesión de contacontos. Na rede tedes moitas opcións onde escoller, pero imos deixar un enlace á páxina dunha persoa moi especial que coñecemos e que nos encanta como fai o seu traballo. Chámase Tania e é educadora infantil e intérprete da linguaxe de signos. Esperemos que vos guste tanto coma a nós!!!! (pinchade na imaxe, enlace a Instagram)

Deixamos unha mostra do seu talento: 

           

• Obradoiro de monicreques, cos que podedes contar os vosos contos preferidos. 

• Obradoiro de marcapáxinas e separadores. Deixamos exemplos pero encantaríanos ver as vosas creacións. Ánimo artistas!!!!

** O equipo da biblioteca ten unha proposta para todos vós,na marxe dereita do blogue tedes o enlace directo,  botádelle un ollo!!! 

E, agora, imos co reto de hoxe, o debuxo prohibido, para traballar vocabulario, atención, fluidez...Podedes repetilo varias veces, aumentando a rapidez. Estade moi atentos para non dicir a palabra prohibida!!!