OBRADOIRO DE GRAFISMO

Bos días lobiños!!

Que tal vos atopades hoxe? se tedes un ratiño libre deixámosvos unha proposta moi divertida. Propoñemos para o día de hoxe que fagades un obradoiro de grafismo con toda a familia. Vainos permitir traballar moitísimas cousas: formas, cores, liñas... empregando diferentes cores: ceras, rotuladores, témpera...o que teñades pola casa. 

Entre outros, no blogue La clase de Miren atopamos unha chea de ideas relacionadas con este tema.

Comezamos?

• Camiños de coches

Debuxade un punto ben grande no centro da folla e arredor puntiños máis pequenos, as cores van ser coches que saen do punto central e teñen que percorrer todo o folio sen tocar aos puntos pequenos, que serán os peatóns. 

• Mans divertidas

Debuxade a silueta das vosas mans nunha folla e enchédeas con diferentes grafías, círculos, raias horizontais/verticais, cruces...

Outra opción

• Partir dunha figura central e trazar liñas de cores ata os extremos do folio

• Un pouquiño de cada

Dividimos a folla en 4 partes e en cada unha delas debuxamos diferentes trazos

• Máis ideas

Rematamos cun divertido vídeo que ensina aos máis peques a facer un monigote, témola cantado na clase, quen se lembra?

**Na marxe esquerda do blogue podedes atopar un apartado de grafo, se vos apetece practicar. 

No reto de hoxe tedes que atopar unha serpe e unha tartaruga, cada animal  está nunha foto pero para complicalo un pouquiño máis non vos diremos onde está cada un. Seguro que o atopades sen a nosa axuda.