DÍA DA FAMILIA

Peques!!! 

Hoxe temos que celebrar unha data moi especial, o DÍA DA FAMILIA. Xa sabemos que a familia é o maior tesouro da nosa vida, sempre están para axudarnos,  tanto nos bos como nos malos momentos; para sacarnos un sorriso, para abrazarnos...aínda que sexa de maneira virtual. Por iso, queremos dedicarlle este día a todas as nosas familias para amosarlle o moitísimo que as queremos e necesitamos. 

Comezamos cunha canción moi emotiva da peli "Coco", oxalá vos guste!!!

No seguinte vídeo podedes ver o conto "O libro da familia", un conto moi emotivo no que se nos amosa que non todas as familias son iguais á nosa, existen moitísimos tipos de familia e todas son igual de importantes e necesarias. Despois de ver o conto, e escoitar a marabillosa canción de fondo, deixamos unha copia en branco e negro para que poidades colorear e ter o voso propio "Libro da familia". 

Para rematar propoñemos unha manualidade para que fagades en familia, un "corazón familiar". 

Materiais

• Lámina branca
• Pintura de dedos de cores
• Lapis
• Os polgares dos membros da familia

Pasiño a pasiño...

1. Debuxade un trazo fino o contorno dun corazón sobre a folla branca
2. Todos os integrantes da familia mollade os polgares na pintura, cada familiar dunha cor diferente
3. Ide enchendo o corazón coas pegadas
4. Na parte inferior, se queredes, engadide a pegada de cada un coa súa cor correspondente e o nome da persoa a quen pertence

   E xa tedes listo o voso corazón familiar!!!

No reto de hoxe contamos cunha familia de xirafas, fixádevos ben porque hai unha que non ten parella. Podedes atopala? 

FELIZ DÍA A TODAS AS FAMILIAS!!!!
Boa fin de semana!!!!