MÚSICA MESTRO!!!

    Ola lobiños! 

Que vos parece se hoxe acompañamos o día con ritmo, música e ledicia? 
Temos algo moi atractivo que propoñervos, a elaboración dunhas simpáticas e coloridas maracas...Que necesitamos? Unicamente ganas e deixar voar a nosa imaxinación.  

   
Material necesario: 

• catro culleres, na foto son de plástico pero podedes usar outros materias menos contaminantes
• dous "ovos" 
• cinta adhesiva decorativa ou tiras de papel decoradas e pintadas por vós
• material para encher os ovos: legumes, arroz, moedas...

Pasiño a pasiño...

- Encher os ovos con lentellas, arroz... o que teñades pola casa. Con esta actividade melloraredes a vosa psicomotricidade fina, atención e  concentración.

-  Poñer un ovo entre dúas culleres e fixar con cinta adhesiva arriba e abaixo.

-  Agora decorádeas como máis vos guste. 

FEITAS!!!...AGORA, POÑÉDELLE RITMO AO DÍA!!

Deixamos unhas láminas de maracas para colorear 

A continuación deixamos dous xogos musicais on line moi divertidos

No primeiro xogo poderedes ser compositores de música, crear a vosa propia melodía musical xogando coas notas. Quen se anima? 

No seguinte xogo combinade sons e ritmos para crear as vosas propias cancións, imos alá artistas!! Está en inglés, pinchade en "go mix music" e xa vos leva ao xogo. 

No reto de hoxe volvemos xogar ao debuxo prohibido, hoxe relacionado co tema musical. Dicide o máis rápido posible todas as palabras agás trompeta e guitarra, que nesta ocasión son as palabras prohibidas!!!